रत्ननगर १५ मा एमालेको अगुवा कार्यकर्ता भेला

1082

चितवन । नेकपा एमालेले रत्ननगर १५ मा बुधवार अगुवा कार्यकर्ता भेला गरेको छ । नेकपा एमाले वडा कमिटीले आयोजना गरेको सो कार्यक्रममा प्रतिनिधि सभा साँसद तथा पूर्व अर्थमन्त्री सुरेन्द्र पाण्डेले सम्बोधन गरेका थिए ।

सो अबसरमा नेता पाण्डेले चितवनका नेता कृष्णप्रसाद खनालले विभाजनको बाटोमा लागेर गलत गरेको बताए । कृष्ण खनालले केही मान्छेहरु लिएर जानु भयो, नेता पाण्डेले भने उहाँलाई मैले अन्तिम सम्म पनि त्यो बाटो लाग्न हुदैन भनेर सम्भाएको थिए तर उहाँ थाहै नदिई जानु भयो । नेता पाण्डेले विभाजनको बाटो लागेर पार्टी छोडेका चितवनका नेता तथा कार्यकर्ताहरुलाई एमालेमै फर्कित आग्रह गरेका छन् ।

पार्टी छाडेका सबै नेता कार्यकर्ता एमालेमै फर्किनुको विकल्प नरहेको भन्दै नेता पाण्डेले आत्मिमा आउने ठाउँ मुल घरमै हो । वडा कमिटी अध्यक्ष आसिक तामाङको अध्यक्षतमा भएको कार्यक्रममा जिल्ला कमिटी सचिव प्रकास खनाल शैलेस,प्रदेश कमिटी सदस्य प्रेमनाथ दुवाडी,नगर कमिटी अध्यक्ष इश्वरी प्रसाद अर्याल,नेताहरु रामप्रसाद पाण्डे,सरोज तिमिल्सिना,लीलादेबी पोखरेल लगायतले मन्तव्य राखेका थिए ।

कार्यक्रममा रामकृष्ण खड्का,रुकमाया परियार,रामबहादुर लामा,नेत्रमान लामा,डम्मर बुढाथोकी लगायतको सहभागिता रहेको थियो । कृष्ण पन्तले सञ्चालन गरेको कार्यक्रममा चन्द्रप्रसाद लामिछानेले स्वागत मन्तव्य राखेका थिए ।